Höfundurinn
Hjalti Halldórsson

Bókin segir frá Agli, ungum dreng sem elst upp í Borgarnesi. Hann á ekki sjö dagana sæla þar sem hann á það til að lenda í vandræðum, eða veseni eins og hann kallar það sjálfur. Sjálfur vill hann þó meina að árekstrar hans við skólafélaga og fjölskyldumeðlimi séu alls ekki sér að kenna. Þvert á móti sé hann betur gefinn en flestir samferðamenn sínir en þrátt fyrir það lendir hann fyrir sakir óheppni sinnar og ósanngirni annarra í veseni.

Blaðsíður: 124
Hljóðbók: 2 klst

Höfundur: Hjalti Halldórsson
Flokkur: Barnabækur
Útgáfuár: 2017

Námsefni fylgir með bókinni!

Draumurinn segir frá afdrifaríku atviki sem setur líf tilvonandi knattspyrnuhetju á annan endann, enda á það sér stað viku áður en Íslandsmótið í 4. flokki hófst. Á daginn kemur að þó að refsingin virtist í fyrstu alveg hræðileg reynist hún síðan vera það besta sem komið gat fyrir.

Blaðsíður: 125
Hljóðbók: 2 klst 14 mín

Höfundur: Hjalti Halldórsson
Flokkur: Barnabækur
Útgáfuár: 2018

Þrenningin Guðrún, Kjartan og Bolli eru á leiðinni í síðasta skólaferðalagið fyrir unglingadeildina. ALLT skiptir máli. Þau ætla ÖLL að fá ALLT út úr þessari ferð. En áður en þau eru einu sinni komin á staðinn fara ALLAR áætlanir út um þúfur. Fyrr en varir snýst ÖLL ferðin um stríð! Ys og þys út af ÖLLU! er bráðsfjörug saga um vináttu, misskilning, hrekki, svik, hefnd … og svolítið um ástina.

Blaðsíður: 125
Hljóðbók: 2 klst 7 mín

Höfundur: Hjalti Halldórsson
Flokkur: Barnabækur
Útgáfuár: 2019

Námsefni fylgir með bókinni!

Gulla dreymir um að verða eitthvað meira en ósköp venjulegur drengur. Með hjálp Helgu vinkonu sinnar uppgötvar hann óvænt áður óþekktan hæfileika sem breytir lífi hans. Hann setur á sig grímuna og verður Ormstunga, ofurhetja sem berst gegn eineltisseggjum.

Hverju er Gulli tilbúinn til að fórna til að ráða að niðurlögum erkióvinarins? Ofurhetjan er æsispennandi saga um ALVÖRU ofurhetju.

Blaðsíður: 172
Hljóðbók: 2 klst 44 mín

Höfundur: Hjalti Halldórsson
Flokkur: Ungmennabækur
Útgáfuár: 2020

Hefur þig alltaf langað að leika lausum hala í skólanum eftir lokun? Fara í feluleik, setja teiknibólu í kennarastólinn, aftengja skólabjölluna.

Halla, Hildigunnur, Kári og Skarpi eru ein í skólanum, hvert með sína ástæðu. Það stóð samt aldrei til að kveikja í … eða hvað?

Blaðsíður: 142
Hljóðbók: 2 klst 40 mín

Höfundur: Hjalti Halldórsson
Flokkur: Ungmennabók
Útgáfuár: 2021

Dísa er á leið í Mývatnssveit til ömmu og afa. Þar ætti hún að vera óhult fyrir geimverum sem eru alltaf að reyna að ná valdi á fólki.

Það var hins vegar eins gott að hún tók með sér álklæddu derhúfuna, vatnsbyssuna og stækkunarglerið – og kynntist Dreng – því það er eitthvað stórundarlegt á seyði í sveitinni!